Pronkbosse van die Jordaan
Jer 12:5As jy met voetgangers loop, maak hulle jou moeg: hoe sal jy dan wedywer met die perde? En in 'n land van vrede voel jy jou veilig: hoe sal jy dan maak in die pronkbosse van die Jordaan?
Dierbares,
Hierdie skrifgedeelte was nog altyd vir my so besonders.
Dit het gespreek tot Jeremia maar spreek ons in die dae waarin ons leef net so aan.
Laat ek vir u dit gee hoe dit in die Amplified Bible staan.
"If you have raced with men on foot and they have tired you out, then how can you compete with horses? And if [you take flight] in a land of peace where you feel secure, then what will you do [when you tread the tangled maze of jungle haunted by lions] in the swelling and flooding of the the Jordan?."Jer.12:5
Hier word duidelik gepraat van verskillende omstandighede waarin 'n mens jouself kan bevind.
Wanneer ons kyk na die christene wie eens aan die brand was vir Jesus Christus dan sien ons dat ons sekerlik in 'n land woon waar ons vryelik die Here mag dien want ons leef in die dae van die Laodicense waarin die kerk lou geword het.
(Openbaring 3) Die kinders van God is traag om God voluit te dien. Ja. ons sien dat die begeerte van God wie die Univers gemaak het is dat die rede waarom ons leef moet wees om Hom met ons alles te dien. Om Hom te plesier en om Sy wil te wil doen, maar dit is nie meer so in hierdie laaste dae waarin ons leef nie.
Ons "loop saam met die voetgangers" of "we are racing with men on foot and they tire us out".
Dit is so maklik om God te dien in ons land. Ons word nie vervolg deur die regering nie en ons kan kies om Sondag kerk toe te gaan of nie en selfs dit maak baie mense moeg wanneer Sondag aanbreek en hulle gewete vermaan hulle om tog na die huis van die Here te gaan.
Ja. Weliswaar ons hardloop met die voetgangers en hulle maak ons moeg.
Wanneer ons wie in die bediening staan soms na verskonings luister waarom mense nie in die kerk kon wees nie, dan besef ons net opnuut dat die liefde verkoel het en die honger na God nie meer so brandend is in mense se harte nie.
Dan kom die Here met die vraag aan ons. Sê nou net ons omstandighede word moelikker om Hom te dien.
Dalk word jy gedreig om jou werk te bedank indien jy nie afsien van jou "fanatiese" liefde vir Jesus Christus nie.
Dalk verbeur jy 'n promosie omdat jy te uitgesproke is vir God. Ja. Ek weet van 'n meisie wie verseker die hoof meisie sou word, maar hulle het reguit vir haar gesê dat sy aan die verkeerde kerk behoort.
Dalk kom ander moeilikker omstandighede jou pad langs waarin die "kies" van Jesus jou iets gaan kos.
Dan word van ons vereis om met die perde te wedywer.
Ja, ons moet byhou in baie moeilikker omstandighede en krag hê om te wedywer met die uitdaging wat aan ons gestel word.
Maar dan kom die ergste omstandigheid en dit is om in 'n land te woon soos China en baie ander lande waar mens verseker selfs om 'n Bybel te besit tronk toe sal gaan en sal ly ter wille van Christus. Ja, in baie lande is dit die harde werklikheid in hierdie dag waarin ons leef. Dit is dan wanneer die Amplified Bybel dit so geweldig stel nl:
"what will you do [when you tread the tangled maze of jungle haunted by lions] in the swelling and flooding of the the Jordan?."Jer.12:5
Ons het 'n DVD van 'n ware verhaal waarin 'n jong vroutjie in China ter wille van haar geloof in Christus geweldig moes ly.
Dit is een saak om te mag kies of ons tog maar Sondag kerk sal gaan maar 'n totaal ander saak wanneer mens soos sy geblinddoek staan en wag dat omtrent vyf en twintig mans gereed staan met gewere om haar dood te skiet terwyl sy 'n klein babatjie verwag.
Loof die Here. God het ingegryp met 'n weerligstraal en 'n geweldige rukwind en sy was nie geskiet nie.
Maar die treitering het voortgeduur.
Ja. Dit is wanneer jy in die loop van 'n geweer vaskyk en die keuse het om Jesus Christus te verloen en jy sal bly leef, of om Hom as jou God te bely en jy sal doodgeskiet word, wat my en u liefde vir ons Verlosser werklik getoets kan word. Die vraag is: Hoe diep gewortel is ons liefde vir Hom?. Wanneer ons moet kies tussen lewe en dood bevind ons ons waar die pronkbosse dig is wat dit onveilig maak om Hom te dien, met leeus wat loer en die Jordaan wat op sy hoogste swel en ons voor die keuse te staan kom naamlik om Koning Jesus te verloen of om vas te staan in die geloof.
O. Kind van God. Ek vra u en my vandag die vraag af. Sal ons bereid wees om ter wille van Christus te sterf?
Ons weet van 'n jong Suid Afrikaanse paartjie wie nou in China vir die Here werk.
Die man doen 'n sekulere werk wat niks met godsdiens te doen het nie, maar sy primere doel is om saam met die ondergrondse huiskerke vir die Here te werk.
Hulle het 'n klein babatjie en ek vra u om vir hulle te bid al ken u nie hul name nie.
Kom ons kom op 'n plek waar ons 'n kwaliteits besluit neem om die Here met ons alles te dien en ander te bemoedig om, terwyl die koms van ons Meester so naby is voluit op die "baan" te hardloop om verseker die prys te verkry.
Liefde groete