Bly in die Waarheid
2Joh 1:6 En dit is die liefde, dat ons wandel volgens sy gebooie. Dit is die gebod soos julle van die begin af gehoor het dat julle daarin moet wandel.
“Selfs al sou ek geweet het dat die wêreld môre sal vergaan, sou ek steeds my appelboom geplant het.” Martin Luther.
Huidig is daar vele “stemme” (valse leraars) wat ons probeer wysmaak hoe om te lewe en hoe om hemel toe te gaan. In Bybelse tyd was daar ook die sogenaamde “valse leraars of profete,” wat die kerk ingesluip het met “’n nuwe openbaring.”
Johannes herinner ons almal in die Woord dat God nog nooit verander het nie. Fundamenteel sê Johannes: “Jy weet wat, daar is nie rêrig iets nuuts by God nie.
Hy is dieselfde soos Hy altyd was en Hy bly altyd dieselfde. Doen soos Hy ons beveel en wees lief vir mekaar.
Die Woord van God is Sy waarheid. Wanneer ons God se Woord navolg kan ons maar verseker weet dat ons in die waarheid bly.
Onthou: Jesus het gesê: “Buiten My kan julle niks op aarde doen nie.”
Enige lering wat nie erken dit wat Jesus op die kruis gedoen het nie, is vals.
Valse lering voed net ons trots en vertel ons dat ons dit kan maak op ons eie sonder Hom.
Maar God weerstaan die hoogmoedige en gee genade aan die nederiges.
Om ander lief te hê en hulle eerste te plaas in ons lewens, hou ons nederig voor God. Dit plaas ons in ‘n posisie om te ontvang Sy genade en Sy waarheid sal ons bemagtig al die dae van ons lewe.
Gebed vir vandag:
Onse Vader in die hemel, dankie vir U waarheid wat my bevry. Help my asseblief om ander lief te hê soos u hulle liefhet sodat ek ingestel op U waarheid. Ons loof U vir u getrouheid. In Jesus se lieflike Naam. Amen.